monumenta.ch > Plinius > sectio 72
Word Selection for Searching
Report an Error in this Sectio
Plinius, Naturalis Historia, 32, 72
{XXIV} cicatrices oculorum cum melle sanat, pterygia cum sale et cadmia singulis drachmis, emendat et albugines iumentorum. aiunt et ossiculo eius genas, si terantur, sanari. echini ex aceto epinyctidas tollunt. eundem comburi cum viperinis pellibus ranisque et cinerem aspergi potionibus iubent Magi, claritatem visus promittentes.